Presidenti i Serbisë, Aleksandar Vuçiç, zhvilloi një takim me ministrin e Jashtëm të Kinës, Wang Yi, për të diskutuar situatën në Kosovë. Në një postim në Instagram, Vuçiç theksoi se situata për popullin serb në Kosovë po bëhet gjithnjë e më e vështirë dhe kërkoi mbështetje nga Kina për “ruajtjen e të drejtës ndërkombëtare”.
Vuçiç shprehu mirënjohjen për Kinën, veçanërisht për qëndrimin e saj në lidhje me rezolutën për Srebrenicën, duke theksuar rëndësinë e aleancës mes dy vendeve.
Takimi u zhvillua në kuadër të Asamblesë së Përgjithshme të Kombeve të Bashkuara në Nju Jork, duke reflektuar interesin e Serbisë për të forcuar lidhjet me Pekinin në kontekstin e tensioneve me Kosovën.
