Një 55-vjeçar, Xh. M., është arrestuar nga Policia e Tiranës pasi ishte shpallur në kërkim. Ai u dënua me 1 vit burgim nga Gjykata e Shkallës së Parë për veprën penale “Dhuna në familje”.
Arrestimi u realizua në kuadër të operacionit policor “Sundimi i ligjit”, ku shërbimet e Seksionit të Kërkimit intensifikuan kontrollet për kapjen e shtetasve në kërkim.
Pas arrestimit, materialet e çështjes i kaluan Prokurorisë për procedura të mëtejshme.
