Aktorja Maggie Smith ka ndërruar jetë në moshën 89-vjeçare. Ajo njohet për rolet e saj në filmate Harry Potter dhe Downton Abbey.
Lajmi u konfirmua nga familja e saj, ku njoftuan se ndërrroi jetë paqësisht në spital herët në mëngjesin e sotëm.
“Një person intensivisht privat, ajo ishte me miqtë dhe familjen në fund. Ajo la dy djem dhe pesë nipër e mbesa të dashur të cilët janë të shkatërruar nga humbja e nënës dhe gjyshes së tyre të jashtëzakonshme.
Ne dëshirojmë të shfrytëzojmë këtë rast për të falënderuar stafin e mrekullueshëm në Spitalin Chelsea dhe Westminster për kujdesin dhe dashamirësinë e tyre të pakursyer gjatë ditëve të saj të fundit. Ju falënderojmë për të gjitha mesazhet dhe mbështetjen tuaj të mirë dhe kërkojmë që të respektoni privatësinë tonë në këtë moment”, thuhej në deklaratën e djemve.
Dame Maggie Smith konsiderohet një legjendë e skenës dhe ekranit britanik. Ajo fitoi 2 Oscar gjatë karrierës së saj dhe mori shtatë çmime “Bafta”.
