Ervin Salianji, gjatë një deklarate për mediat, theksoi se dënimi i tij është një goditje nën brez, që shërben për të kënaqur grupet kriminale.
Ai akuzoi se është shkelur ligji për të lejuar vëllezërit Xhafaj, Fatmir dhe Agron, të shpëtonin nga drejtësia. “Dënimi im është për shkak se kam prishur reputacionin e një trafikanti ndërkombëtar droge, ligji nuk funksionon mesa duket njësoj për të gjithë”, tha ai.
Salianji theksoi se nuk do të shkojë në burg siç thotë gjykata, por si një njeri që ka paraqitur prova të forta. “Njeriu vlen nëse nuk përkulet dhe e përballon kundërshtarin me çdo mjet,” përfundoi ai.
