Kryeministri Edi Rama më takimin me kandidatët e platformës “Deputeti që Duma” u shpreh se disa gjëra flasin vetë dhe duhet duartrokitur pasi trefishimi i euros për frymë flet për një rrugë transformimi.
“Kur ne nisëm detyrën, kishim të gjitha vendet e rajonit, veç Kosovës, para nesh në të ardhura për frymë. Sot ne kemi para nesh vetëm Malin e Zi dhe Serbinë, që kanë 11600, 11300 euro për frymë. 156 euro ishte paga minimale kur morëm detyrën, sot është 400… Këto nuk na duhen që ne të ulemi dhe shijojmë pamjen e Shqipërisë që kemi ndërtuar, por që të kuptojmë që sa shumë kohë është humbur më parë, dhe sa shumë më tepër mund të bëjmë ne.”, tha Rama.
Më tej ai thotë që “Sot kemi një eksperiencë që nuk e kishim, një pozicion të vendit që nuk e kishim, qoftë pozicion të brendshëm ekonomik që jemi në kushte që të bëjmë realisht një ekonomi gjithëpërfshirëse”.
Rama theksoi se për pensionistët kemi një detyrim të bëjmë një hap të rëndësishëm.
