Ka nisur me dëshminë e ministrit të Mbrojtjes, Pirro Vëngu komisioni parlamentar i ngritur nga shumica, por i bojkotuar nga opozita për të luftuar dezinformimin dhe format e tjera të ndërhyrjes së huaj në proceset demokratike të vendit.
Vengu deklaroi para komisionit të drejtuar nga deputeti Erion Braçe se palë të treta përpiqen të ndërhyjnë përmes “ushtrisë” online.
“E kemi parë në rastin e sulmin në Banjskë së fundmi. E lehtë për ne të identifikojnë këto grupime dhe bashkë me partnerët të identifikojmë burimin e tyre.
Relativisht e thjeshtë që për një aktor që përpiqet të krijojë ndasi në opinionin publik, të marrë me qira disa dhjetëra mijëra trollse dhe bote online e të influencojë leximin e një gjëje të caktuar. Ky është realiteti ku jetojmë.
Ka disa vende të BE ku elitat janë të ndara dhe përpjekjet e palëve të treta për të thelluar këto ndasi, për të reaguar se ka përçarje e jo unitet, si psh për Ukrainën, është në dobi të aktorëve të tretë.
Duhet të themi se avantazhi i Shqipërisë është pikërisht këtu, pasi mendojmë se mjedisi socio-ekonomik kulturor dhe ekonomik, për disa çështje është më imun krahasim me disa vende të tjera, edhe në rajon”, u shpreh ai.
