Një përplasje e fortë ka ndodhur sot në shkallët e parlamentit mes deputetëve të Partisë Demokratike, Flamur Noka, Niko Peleshit dhe Igli Hasani. Gjatë një debati të tensionuar, Noka e akuzoi Hasanin si përfaqësues të “hajdutëve”, ndërsa ministri i tha Nokës të “ulet gishtin”, duke e quajtur atë “narko”.
Noka: “Jam unë!”
Hasani: “Ule gishtin!”
Noka: “Ti përfaqëson hajdutët.”
Hasani: “Ul gishtin! Ti je narko.”
Noka iu përgjigj akuzave duke theksuar se ishte zgjedhur me votën e popullit: “Kur të marrësh votën, atëherë flasim.” Ndërkohë, Peleshin i kërkoi Nokës të tregonte prova për akuzat e tij, duke shtuar se “nuk dogjëm as karrige”.
Peleshin: “Shiko provat çfarë ke bërë ditën e enjte. O Flamur, nuk di çfarë po thua. Po flet përçart.”
Noka replikoi duke akuzuar Peleshin për shpërdorim të parave dhe u shpreh se kishte djegur vetëm karrigen e tij, duke e përmendur situatën e trazirave në Kuvend.