Të treja institucionet kryesore të drejtësisë, Gjykata Kushtetuese, SPAK dhe ILD, kanë shprehur vendosmërinë për të mos marrë pjesë në komisionin e quajtur “Për Thellimin e Reformave për Mirëqeverisjen, Sundimin e Ligjit, dhe Antikorrupsionin për Shqipërinë 2030 në Bashkimin Evropian”.
Fillimisht, Gjykata Kushtetuese refuzoi kërkesën për të dërguar ekspertë, duke theksuar se pjesëmarrja e saj mund të shkaktonte konflikte me funksionet e saj ligjore. Pas saj, SPAK dhe ILD gjithashtu vendosën të mos angazhohen në këtë komision.
SPAK, përmes një deklarate, theksoi rëndësinë e respektimit të parimeve të ndarjes së pushteteve dhe nënvizoi se institucionet kanë përmbushur detyrimet e tyre ligjore duke publikuar problematikat e hasura në ushtrimin e funksioneve. Ndërsa ILD njoftoi se do të ofrojë kontributin e saj vetëm kur të kërkohet nga komisioni.
