Vlora është përmbytur ditën e sotme nga reshjet e dendura të shiut dhe Ministria e Mbrojtjes ka dërguar 28 forca, mjete me kalueshmëri të lartë, 2 motopompa për heqjen e ujit, 1 gomone dhe 5 mjete transporti.
Drejtori i Gatishmërisë dhe Koordinimit të Përgjigjes Emergjente Leonard Qyra me anë të një deklarate tha se janë evakuuar 33 familje dhe janë marrë masa për furnizimin e tyre me ushqime, ujë të pijshëm dhe me veshje.
“Janë marrë masat për furnizimin me energji elektrike të hidrovorëve, të cilët kanë qenë në punë gjatë gjithë kohës si edhe sistemi i pompimit që kanë bërë të mundur që të largohet uji. Aktualisht situata është e normalizuar dhe nën kontroll por po punohet me të gjitha kapacitetet dhe strukturat e sistemit të mbrojtjes civile të qarkut Vlorë të mbështetura nga forcat e armatosura me kamionë të kalueshmërisë së lartë dhe motor pompa për të bërë të mundur largimin e ujit në disa zona ku ka akoma prezencë uji.”, tha ai.
