Një zjarr i fuqishëm ka shpërthyer në një azil privat për të moshuarit në Tiranë, duke lënduar katër persona.
Ngjarja ndodhi në rrugën “Ali Visha” pak pas mesnatës, ku efektivët e Komisariatit nr. 1 ndihmuan në evakuimin e banorëve. Flakët, që dyshohet të kenë nisur nga një dyshek në një nga dhomat e azilit, u shkaktuan për shkaqe të mundshme elektrike nga pajisjet e ngrohjes.
Të lënduarit janë dërguar në spital, me një prej tyre në spitalin e Traumës dhe tre të tjerë pranë Qendrës Spitalore “Nënë Tereza”, të gjithë jashtë rrezikut për jetën.
Grupi hetimor po heton ngjarjen për të zbardhur shkaqet dhe rrethanat që çuan në këtë incident.
