Kryeministri izraelit, Benjamin Netanyahu, theksoi se Irani është përgjegjës për kërcënimet ndaj Izraelit, pas një sulmi me qindra raketa drejt vendit.
Ai deklaroi se asnjë komb nuk do të pranonte një agresion të tillë dhe se Izraeli ka detyrën dhe të drejtën për t’u mbrojtur. Netanyahu konfirmoi se Izraeli do të reagojë ndaj këtyre sulmeve.
“Irani qëndron pas të gjitha kërcënimeve kundër nesh.
Ata lëshuan qindra raketa drejt nesh në një nga sulmet më të mëdha në histori.
Asnjë vend në botë nuk do ta pranonte një sulm të tillë dhe as Izraeli nuk do ta pranonte. Izraeli ka detyrën dhe të drejtën të mbrohet dhe t’i përgjigjet sulmeve të tilla, dhe kjo është ajo që ne do të bëjmë”, tha kryeministri izraelit Benjamin Netanyahu
