Ministri Taulant Balla zhvilloi një takim me komunitetin shqiptar në Londër, ku theksoi rëndësinë e votës së diasporës për Zgjedhjet e ardhshme. Ai e cilësoi këtë moment si historik për demokracinë shqiptare, duke shprehur qëllimin e Partisë Socialiste për të mobilizuar shqiptarët jashtë vendit.
Balla shpjegoi se regjistrimi për votim do të fillojë nga 12 janari, duke ofruar mundësinë që shqiptarët që nuk ndodhen në vendin e tyre ditën e zgjedhjeve të regjistrohen online.
Ai theksoi se diaspora ka një rol të rëndësishëm në procesin e anëtarësimit të Shqipërisë në Bashkimin Europian, duke kërkuar angazhim nga shqiptarët për të kontribuar në forcimin e demokracisë.
Balla gjithashtu foli për përmirësimin e imazhit të Shqipërisë si destinacion turistik dhe rëndësinë e ruajtjes së gjuhës shqipe për brezat e ardhshëm.
“Ne duam që mandati 2025-2029 të ketë mundësinë, që Partia Socialiste të ketë numrat e duhur në Kuvendin e Shqipërisë, me votat e diasporës për të përmbyllur këtë fazë të rëndësishme, që lidhet plotësisht me anëtarësimin e Shqipërisë në Bashkimin Europian”, tha Balla.
