Një mbledhje urgjente është thirrur mesditën e së hënës, 7 tetor, nga kryeministri izraelit, Benjamin Netanyahu me pjesëmarrjen e ministrave të qeverisë së tij. Siç raportojnë mediat izraelite, përfshirë Times of Israel, Netanyahu propozoi gjatë takimit ndryshimin e emrit të operacionit “Shpata të Hekurta” në “Lufta e Rilindjes”.
Më herët, kryeministri izraelit tha se qeveria e tij po ndryshonte realitetin në Lindjen e Mesme për të parandaluar që një tjetër 7 tetor të ndodhte, një vit pas sulmit të paprecedentë të Hamasit ndaj Izraelit.
“Ne po ndryshojmë realitetin e sigurisë rajonale në terren për hir të fëmijëve tanë, për të ardhmen tonë dhe për të siguruar që një tjetër 7 tetor të mos ndodhë kurrë,” theksoi Netanyahu gjatë një takimi të kabinetit, sipas një deklarate nga zyra e tij iu referua “shtatë fronteve” me të cilat kryeministri izraelit beson se vendi i tij po përballet (Gaza, Bregu Perëndimor, Libani, Siria, Irani, Jemeni dhe Iraku).
