Gjykata Kushtetuese më datë 19 nëntor do të zhvillojë kërkesën e kreut të Partisë Demokratike Sali Berisha për shfuqizimin e vendimeve të GJKKO-së dhe Apelit. Berisha ndodhet prej 10 muajsh me masën e sigurisë “arrest shtëpie” për çështjen “Partizani”.
“Shfuqizimin e vendimeve nr. 112, datë 20.10.2023 dhe nr. 117, datë 26.10.2023, të Gjykatës së Posaçme së Shkallës së Parë për Korrupsionin dhe Krimin e Organizuar; nr. 56 (87-2023-156), datë 21.11.2023 të Gjykatës së Posaçme të Apelit për Korrupsionin dhe Krimin e Organizuar; nr. 00-2024-384, datë 05.03.2024 të Kolegjit Penal të Gjykatës së Lartë”,”- thuhet në kërkesën e Sali Berishës.
