Protestuesit e opozitës kanë filluar të mblidhen përpara Kryeministrisë, ndërsa një grup tjetër është ende në selinë e Partisë Demokratike, duke pritur daljen e deputetëve.
Aktualisht, nuk dihet saktësisht se çfarë do të ndodhë në këtë tubim, por ka shqetësime për mundësinë e përplasjeve me policinë.
Një pjesë e qytetarëve kanë ndaluar qarkullimin për disa minuta para Bashkisë së Tiranës, duke e lënë më pas të lirë trafikun. Opozita duket se po planifikon ndalimin e qarkullimit në disa akse rrugore, ndryshe nga protestat e mëparshme, ku ka pasur fjalime dhe deklarata publike. Situata mbetet e tensionuar, dhe autoritetet janë në gatishmëri.
