Ditën e sotme rreth 150 studentë po nisin arsimin në akademinë e sigurisë. Drejtori i Përgjithshëm i Policisë së Shtetit Ilir Proda uroi të gjithë ata që u diplomuan dhe u shpreh se janë imazhi i vendit.
“Çdo ditë të punës tuaj, shërbejuni dhe trajtoni qytetarët në mënyrë të drejtë dhe me respekt ashtu siç do të trajtonit familjen tuaj. Ne nuk jemi padronë të qytetarëve, ne jemi zbatues të ligjit, jemi pjesë integrale e komunitetit dhe ata janë aleati ynë më i rëndësishëm, këtë mos e harroni kurrë.
Ata qytetarë që shkelin ligjin dhe respektin për ju, përgjigjuni me ligj, jo me ego personale.”, u shpreh Proda.
Më pas ai theksoi se vlera e uniformës së punonjësit të policisë sot është më e lartë se kurrë dhe duhet që të jenë të vetëdijshëm mbi përgjegjësitë dhe sakrificat që ka si kosto kjo vlerë.
