Anëtari i Kryesisë së Partisë Demokratike Grigels Muçollari denoncoi abuzimin 4.2 mln euro, sipas tij për palma dhe pisha përgjatë autostradës Tiranë-Durrës.
Muçollari shprehet se vetëm një pishëe tillë u ka kushtuar taksapaguesve të Tiranës 6 mijë e 800 euro., dhe të gjitha bashkë janë blerë nga Veliaj me 3.3 mln euro.
“4.2 milionë euro dëm, të shpërdoruara nga buxheti, të konstatuara edhe nga raportet e KLSH. E gjitha kjo, ka ndodhur, edhe pse kishte një projekt që në vitin 2014, të miratuar nga Drejtoria e Rrugëve, për ta bërë këtë zgjerim. Erjon Veliaj e dinte se këto punime do të bëheshin, dhe paratë do të shkonin dëm. E sërish, bleu një pishë me 6 mijë e 800 euro. Ai ka përgjegjësi për këtë abuzim. Ky është korrupsion.”, tha ai.
Muçollari shprehet se kur SPAK do të nisë hetimet për këtë krim financiar dhe kur kur do të reagojnë kolegët e Veliaj në drejtësinë e re.
