Një individ është arrestuar në Kaliforni pasi tentoi të hynte në ambientet ku do të fliste ish-presidenti Donald Trump. Arrestimi ndodhi në Coachella, Kaliforni dhe u njoftua një ditë më pas, me autoritetet lokale duke theksuar se mund të kenë parandaluar një atentat.
I arrestuari, Vem Miller, besohet të jetë anëtar i një grupi ekstremist antiqeveritar dhe kishte me vete një armë, një revole dhe karta identiteti false.
Ai u vërejt nga policia lokale rreth një kilometër larg vendit të fjalimit dhe u akuzua për posedim të armëve, duke u liruar më pas me kusht prej 5000 dollarësh.
