Shoqata e të Verbërve të Shqipërisë organizoi sot një marshim në Tiranë, në kuadër të Javës së Shkopit të Bardhë, për të theksuar rëndësinë e respektimit dhe zbatimit të ligjeve që mbrojnë të drejtat e personave të verbër.
Gjatë marshimit, u kërkua përmirësimi i infrastrukturës për lëvizjen e pavarur dhe rikthimi i shërbimeve speciale, të cilat mungojnë që nga viti 2016.
Aktivistët apeluan për angazhimin e institucioneve publike për të siguruar barazi në arsim, punësim dhe shoqëri për këtë grup të shoqërisë.