Policia e Sarandës ka finalizuar operacionin e koduar “Storm 26,” duke arrestuar E. N., 25 vjeç, për dy vjedhje.
Ai u kap me një thikë dhe një sëpatë pas kontrollit fizik. Dyshohet se E. N. dhe një bashkëpunëtor tjetër tentuan të vjedhin një dyqan elektroshtëpiakesh më 12 tetor dhe më pas kryen një vjedhje në një dyqan tjetër më 13 tetor, duke marrë një shumë parash.
Policia po vazhdon punën për identifikimin dhe kapjen e bashkëpunëtorit. Materialet janë kaluar në Prokurori për veprime të mëtejshme.