Një tërmet me magnitudë 5.9 Rihter ka goditur Turqinë mëngjesin e kësaj të mërkure, me epiqendër në Malatya, në pjesën lindore të vendit.
Sipas qendrës Sizmologjike Evropiane-Mesdhetare, lëkundjet ndodhën në një thellësi prej 9 kilometrash. Ministri i Punëve të Brendshme, Ali Yerlikaya, njoftoi se ekipet përkatëse janë në terren për të monitoruar situatën dhe për të siguruar sigurinë e qytetarëve.
Ai shprehu shpresën që vendi të ruhet nga fatkeqësitë.
