Ish-presidenti Donald Trump ka deklaruar se, nëse rikthehet në Shtëpinë e Bardhë, Kina do të ketë frikë ta provoje Amerikën, sepse presidenti Xi Jinping e di se ai është “i çmendur.”
Duke folur për bordin editorial të Wall Street Journal, Trump shpjegoi se do të vendosë tarifa të larta ndaj Kinës nëse ajo tenton të bllokojë Tajvanin, duke sugjeruar tarifa prej 150% deri në 200%.
Ai pretendoi se marrëdhëniet e tij me Xi kanë qenë të forta dhe se liderët e huaj do të mendonin dy herë për të vepruar kundër interesave të SHBA-së nën një presidencë të re Trump. Ai gjithashtu mbrojti marrëdhëniet e tij me Vladimir Putin, duke thënë se e kishte kërcënuar atë për të mos pushtuar Ukrainën.
