Koordinatori për Programin Ekonomik në Partinë Demokratike Dorjan Teliti me anë të një postimi në rrjetin social ka reaguar në lidhje me falimentimin e dyqaneve të vogla.
Teliti shprehet se falimentimi vjen si pasojë e talljes me 25-lekshat dhe rritjes së përmuajtshme të çmimeve të ushqimeve bazike.
“Rezultati ishte i pritshëm…varfëria rritet dita ditës…listat ushqimore shtohen gjithnjë e më shumë…dyqanet e vogla ne lagjet e qyteteve shqiptare po mbyllen masivisht, pasi spo ja dalin dot më të mbijetojnë. Sot më shumë se kurrë nevojiten vendime të forta dhe kurajozë, sot më shumë se kurrë nevojitet të implementohet minimumi jetik, ndryshe ditë edhe më të errta presin ekonominë, sipërmarrësin dhe sidomos tryezën e boshatisur familjare.”, shkruan Teliti.
Ai thekson që duhet që të reagoni pasi ndryshe nuk vjen ndryshimi.
