Sekretari i Përgjithshëm i Partisë Demokratike, Flamur Noka, ka cilësuar arrestimin e Ilir Metës nga SPAK si një akt lufte ndaj opozitës.
Ai e përshkroi arrestimin si të paprecedent, duke thënë se Meta u trajtua si terrorist, pavarësisht se është ish-president i Republikës. Noka theksoi se ky veprim tregon një përpjekje të Edi Ramës dhe SPAK për të intimiduar opozitën, duke e krahasuar me trajtimin e ish-deputetëve të Rilindjes që ftohen për tu paraqitur.
Ai njoftoi se në mbledhjen e Kryesisë do të diskutohet për vijimin e aksionit opozitar, duke theksuar se opozita është në një situatë mosbindjeje civile.
