Tedi Blushi, Sekretari i Përgjithshëm i Partisë së Lirisë, ka paralajmëruar Kryeministrin Edi Rama, duke thënë “Kam një paralajmërim për Edi Ramën, nëse Ilir Metës i ndodh gjë brenda ambienteve ku është izoluar përgjegjësia do të jetë e tij personale. Jo vrimë miu, por as vrimë gjilpëre nuk do të gjejë”.
Gjatë një konference për media, ai e quajti arrestimin e Metës “një akt të rëndë dhe terrorist”, duke shtuar se “nuk ekziston asnjë provë kundër tij për një shkelje të ligjit.”
Blushi akuzoi qeverinë për përpjekje për eliminim politik dhe për të shkatërruar pluralizmin në vend.
