Ministri i Ekonomisë, Kulturës dhe Inovacionit Blendi Gonxhja në bisedimin me sipërmarrësit e bizneseve tha se informaliteti është një plagë e shoqërisë.
Gonxhja u shpreh se ka mijëra individë që kontributet i kanë deklaruar në tatime dhe borxhi nga subjektet shtetërore dhe private shkon deri në 100 mln euro.
“Kemi një borxh të akumuluar që kap vlerën 100 mln euro, mes këtyre subjekteve ka edhe ndërmarrje shtetërore dhe ne po punojnë për ti dhënë fund dhe për të shlyer këtë debi të krijuar. Por ka një debi të lartë edhe nga subjekte private, të cilat do të ndikojnë direkt në skemën e pensioneve, në financat e ISSH.”, tha Gonxhja.
Më pas ai u shpreh se masat ndëshkuese nuk janë arma e vetme, por më shumë rëndësi ka ndërgjegjësimi.
