Deputetja demokrate Jorida Tabaku me anë të një video në rrjete sociale ka reaguiar në lidhje me premtimet e fundit që iu janë dhënë pensionistëve.
Jorida Tabaku shprehet se rritja e pensioneve është vetëm 20 lekë në ditë.
Ajo thotë që kryeministri nxori pafund justifikime, por asnjë lekë nga buxheti i shtetit.
“Ai tha gjithashtu që tregjet janë rritur, monopolet janë forcuar dhe është e pamundur të operosh për shkak të rritjes së çmimeve. Por kush e ka fajin sot që ka monopole dhe që ekonomia është përqendruar në pak duar? Nuk është e mundur të paguash pensionistët sepse ky është buxheti i shtetit, tha ai. A nuk kanë muaj që thonë se e kanë dyfishuar produktin e brendshëm bruto? Si nuk u gjendën 20 lekë për pensionistët, kur 50% e PBB-së sot shkon për koncesione?”, thotë Tabaku.
