Drejtori i Policisë së Shtetit Ilir Proda ka pritur në takim shefin e zyrës Rajonale të Sigurimit në Detyrë në Ambasadën Amerikane në Tiranë, Jonathan Ellis.
Në këtë takim ata diskutuan dhe vlerësuan bashkëpunimin e deritanishëm dhe konfirmuan gatishmërinë për ta thelluar këtë bashkëpunim.
Ellis siguroi mbështetjen e SHBA-së për policinë e shtetit dhe se bashkëpunimi mes tyre do të thellohet më tej. Ndërsa Proda siguroi që është i vendosur për të bashkëpunuar dhe punuar bashkërisht me agjencitë ligjzbatuese amerikane dhe ato në Ambasadën amerikane në Tiranë, duke treguar profesionalizëm e besueshmëri gjatë hetimeve dhe operacioneve të përbashkëta në luftë kundër korrupsionit, krimit të organizuar, trafiqeve të paligjshme dhe terrorizmit.
