Ditën e sotme për herë të pestë kanë dal në protestë banorët e Niklës. Ata kanë kërkuar rindërtimin e shkollës, pasi janë detyruar që të dërgojnë fëmijët në Fushë Krujë që të zhvillojnë mësim me turne.
Në protestë është bashkuar edhe deputetja e PD, Andia Ulliri e cila shprehet se fëmijët kanë bojkotuar mësimin.
“Janë 455 nxënës dhe stafi mësimor që nuk e zhvillojnë mësimin në Nikël dhe kjo ka sjellë rritje të kostove. Ata nuk e zhvillojnë mësimin siç duhet, por me turne”, tha Ulliri.
Ndërsa banorët shprehen se “Është viti i tretë që shkolla e Niklës nuk po ndërtohet. Nuk ka asnjë lëvizje”, u shpreh një prind, duke kërkuar rindërtimin sa më shpejt të institucionit. Prej vitesh kërkojmë rindërtimin, por asnjë përgjigje nuk është njëlloj. Njëra thotë kemi probleme me shpronësimin, tjetra thotë janë indeksuar çmimet e do ribëhet tenderi. Tjetra thotë nuk ka dalë leja nga bashkia”.
