Edi Rama, në takimin me Ursula von der Leyen, theksoi se nisja e negociatave është një sfidë që po bëhet gjithnjë e më e vështirë, pasi po flasim për një seri detyrash që nuk duhet të tronditin ata që nuk e dinë procesin.
Ai theksoi se këto detyra duhet të përkthehen në ligje dhe të provohen në zbatim. Rama gjithashtu përshëndeti studentët dhe pedagogët e Kolegjit të Evropës në Tiranë, duke afirmuar angazhimin e Shqipërisë në bashkëpunimin me Bashkimin Evropian.
Ai shprehu besimin se kjo qasje do të forcohet dhe mbylli fjalën e tij duke theksuar se, pavarësisht ndarjeve të tjera, shqiptarët janë të bashkuar në qëllimin e integrimit evropian dhe në sigurimin e një të ardhmeje më të mirë për fëmijët e tyre.
“Eshte një sfidë që po bëhet gjithnjë e më e vështirë, pasi po flasim për një seri detyrash që nuk duhet të trondisin ata që nuk e dinë procesin. Këto detyra duhet të përkthehen në ligje dhe të provohen në zbatim. Nga ana tjetër, është një vizitë e veçantë, veçanërisht për faktin që edhe sot, pas kësaj konference, përshëndesim studentët dhe pedagogët e Kolegjit të Evropës në Tiranë. Jam këtu për të konfirmuar dhe afirmuar gjithçka që Shqipëria ka demonstruar në këtë rrugë të përbashkët, në aspektin e bashkëpunimit me Bashkimin Evropian. Shqipëria është angazhuar pa kursim në të gjitha proceset dhe në të gjitha vlerat që na bashkojnë, dhe kjo qasje do të forcohet dhe konsolidohet.
Nuk dua të zgjatem shumë, pasi jam i bindur se pas hapjes zyrtare të negociatave dhe në momentin kur fillon turi në Ballkanin Perëndimor, do të ketë më shumë interes për atë që do të thoni ju dhe për atë që do të them unë. Mbyll me një falenderim të zjarrtë për të gjithë ata që kam privilegjin të përfaqësoj. Ne shqiptarët jemi të ndarë në pothuajse çdo gjë; jemi në gjendje të debatojmë edhe për ngjyrën e murit atje dhe për orën, madje edhe për datën. Por ka një gjë për të cilën ne shqiptarët nuk kemi asnjë debat: vendi ynë është në Bashkimin Evropian dhe e ardhmja e fëmijëve tanë duhet të jetë atje.”, u shpreh Rama.
