Dy priftërinj në kishën katolike në Greqi kanë përvetësuar paratë duke i investuar në lokale nate.
Sipas mediave helene, autoritet kanë nisur hetimet, pasi dy priftërinjtë e lartë në hierarkinë e Kishës kanë marrë shumën prej 3 milionë euro dhe i kanë investuar në lokale nate.
Presidenti i Autoritetit Kundër Pastrimit të Parave ka proceduar me ngrirjen e llogarive bankare dhe pasurive të pesë pronarëve të klubeve të natës, pasi më parë ka përcjellë gjetjet e tij në organin kompetent të akuzës.
Kjo histori ka nisur që tetë vite më parë, kur u zbuluan shuma të mëdha parash që dilnin nnga llogaritë e dy priftërinjve. Më pas këto shuma përfundonin në llogaritë e pronarëve të disa klubeve të natës dhe shfaqeshin si investime në ato biznese. Kështu që institucionet ligjzbatuese në Greqi u vunë në lëvizjes pas alarmit që ngriti banka për lëvizje të shumave të mëdha.
