Detaje të reja kanë dalë në lidhje me aksidentin tragjik që ndodhi mbrëmë rreth orës 21:00 në rrugën Lezhë-Milot, ku humbi jetën Bledi Sokoli, i cili po drejtonte një mjet tip “Opel”. Ai nuk arriti t’i mbijetojë plagëve të marra nga përplasja e rëndë.
Një tjetër person, një 23-vjeçar i cili drejtonte një “Ford”, është plagosur dhe aktualisht ndodhet nën kujdesin mjekësor.
Sipas hetimeve fillestare, Sokoli ka kryer një parakalim të gabuar, duke u përplasur fillimisht me “Ford”-in dhe më pas me një mjet fuoristradë që vinte përballë.
Si pasojë e humbjes së kontrollit, automobili i tij u përmbys dhe ai humbi jetën në vendngjarje.
