Mosbindja civile po vazhdon akoma dhe nuk dihet nëse do të mbarojë në orën 20:00 siç ishte parashikuar.
Klevis Balliu u shpreh se Partia Demokratike ka paralajmëruar publikisht për protestën dhe policia nuk duhet që ti ndalojë.
“Policia do ishte mirë të merret me krimin e organizuar e jo me ne. Ne kemi njoftuar publikisht se këtu ka protestë. Ne e dimë se në Tiranë ka trafik përditë. Qytetarët kanë probleme të tjera, që punojnë 10-12 orë në ditë dhe nuk iu del as për të paguar qiranë e taksat. SPAK ka vetëm një detyrë, të sulmojë opozitën dhe këdo që denoncon. Qytetarët do përballen me çdo formë e mënyrë me këtë keqqeverisje. Për demokracinë, çdo mjet është demokratik në luftë”, tha Balliu.
