Protesta e mosbindjes civile ka përfunduar në orën 20:00, ashtu siç ishte planifikuar. Sekretari i Përgjithshëm i Partisë së Lirisë Tedi Blushi tha se qeveria ta harrojë që të ndalë revoltën e qytetarëve.
“Narkoshteti që jo vetëm rrëmben në mes të ditës ish presidentin e republikës por ka dalë këtu për të provokuar dhe rrëmbyer këta qytetarë paqësorë që janë më të vendosur se kurrë për tu ballafaquar me këtë regjim, qytetarët e ndershëm dhe patriot nuk tremben…Sot protesta dhe beteja e qytetarëve të ndershëm ndodhet në një etapë të re.”, tha Blushi.
Më pas ai u shpreh se “Provokime ordinere ndaj protestuesve paqësore që s’kanë hedhur asnjë gur sot. I paralajmëroj në zjarrin e destabilizimit të Shqipërisë që po ndez Rama do të digjet vet bashkë me prokurorët mercenarë që sot janë kthyer në vrasës me pagesë”.
