Drejtuesi i Lëvizjes Shqipëria Bëhet, Adriatik Lapaj njofton se në datë 26 Nëntor Gjykata Kushtetuese do të shqyrtojë padinë e tyre dhe të LZHK-së kundër mbylljes së listave që u miratuan në fund të korrikut të këtij viti nga PS dhe PD.
Lista siguron 1/3 dhe 2/3 e kandidatëve poshtë duhet të luftojnë për vendin. Nëse Kushtetuesja rrëzon ndryshimet në Kodin Zgjedhor, në procesin e 2025-ës shkohet me Kodin e vjetër pasi nuk mund të bëhen ndryshime 6 muaj përpara zgjedhjeve.
“Ne i çojmë betejat deri në fund. Në dt. 26 nëntor ora 10.00 nis përballja në Gjykatë Kushtetuese për të rrëzuar sistemin e listave të mbyllura që u miratua nga marrëveshja e PS me PD” shkruan ai.
