Kryeministri Edi Rama ndau pamje nga turistët britanikë që po vizitojnë lumin Vjosa, duke theksuar rritjen e numrit të vizitorëve të huaj dhe vendas. Vjosa po bëhet një destinacion i preferuar për lundrimin sportiv dhe për thesaret natyrore që ofron.
Ministrja e Turizmit, Mirela Kumbaro, raportoi se gjatë muajve janar-gusht të vitit 2024, zonat e mbrojtura të Shqipërisë u vizituan nga 3.8 milionë turistë, me një rritje prej 18% krahasuar me vitin e kaluar.
Ajo theksoi rëndësinë e ruajtjes së natyrës dhe zhvillimit të turizmit të qëndrueshëm për të mbështetur ekonominë lokale.
