Një shqiptar 32-vjeçar u arrestua nga Seksioni i 6-të Antidrogë në Bolonjë, Itali, pasi u kap me 2.2 kg kokainë në makinë. Gjatë kontrollit të një mjeti të dyshimtë pranë kabinës së pagesave në autostradën Bolonja-Fiera, oficerët zbuluan dy pako me drogë.
Drejtuesi i mjetit nuk kishte leje qëndrimi dhe për të dhënat e tij u vërtetuan si të pabesueshme. Pas gjetjes së lëndës narkotike, policia e arrestoi shqiptarin, i cili nuk kishte precedentë të mëparshëm penalë.
Ai u dërgua në burgun “Sant Anna” të Modenës, ku do të qëndrojë deri në seancën dëgjimore në gjykatë.
