Një ngjarje tragjike ndodhi mbrëmjen e së premtes në aksin rrugor Milot-Morinë, ku një këmbësor humbi jetën pas goditjes nga një automjet. Viktima, 57-vjeçari me inicialet P.B., nga Mirdita, u përplas ndërsa po kalonte rrugën.
Policia Rrugore njoftoi se ka arrestuar drejtuesin e automjetit, shtetasin J.S., 24 vjeç, banues në Kosovë, i cili akuzohet për shkelje të rregullave të qarkullimit rrugor. Ngjarja ndodhi në territorin e Bashkisë së Mirditës, ku P.B. nuk arriti të mbijetojë nga plagët e marra.
Materialet përkatëse janë dërguar në Prokurori për hetime të mëtejshme.
