Edlira Çepani ka ndarë një mesazh emocionues në Facebook për bashkëshortin e saj të ndjerë, Gerti Bogdanin, i cili u nda nga jeta më 18 shtator.
Ajo shprehet e falënderuar për fatin që e pati atë në jetën e saj dhe e përshkruan Gertin si një njeri të rrallë.
“Ndërkohë që rishoh këto emisione të viteve të shkuara, vazhdoj ta falenderoj Zotin çdo ditë për ty Gerti im. E falenderoj që pata fatin të të kisha në krah në këtë jetë, se rrallë herë i vijnë kësaj bote njerëz si ti! E falenderoj edhe tani, që ti nuk je më fizikisht, sepse kam fatin të të kem etalonin tim të vlerave dhe shembullin më të mirë për t’u ndjekur, si për vete, ashtu dhe për Ajrën dhe Reinartin tonë. Faleminderit që më zgjodhe mua që të ecnim bashkë për dore! Ti do jesh gjithmonë drita në rrugën time!”, shkruan Edlira Çepani.
