Ndeshja e rëndësishme mes Ilirisë dhe Luzit, e cila po zhvillohej në stadiumin “Redi Maloku”, është ndërprerë në minutën e 88-të me rezultatin 1-1. Kryesori Ditmir Grimci mori këtë vendim pas protestave të fuqishme nga ana e Ilirisë për një gol të anuluar.
Goli i anuluar, i shënuar nga Bledar Likaj në minutën e 88-të, shkaktoi një trazirë të madhe, pasi u konsiderua i pavlefshëm për pozicion jashtë loje. Pas kësaj, ndodhi një periudhë tensioni që zgjati rreth shtatë minuta, duke detyruar arbitrin të ndërpresë ndeshjen.
Ky takim ishte pjesë e javës së gjashtë në Grupin A të Kategorisë së Dytë, dhe përbënte një përballje të rëndësishme mes dy skuadrave, ku Iliria po kërkon ngjitjen në kategorinë superiore, ndërsa Lizi kryeson tabelën. Iliria kishte shënuar e para me Qehajan në minutën e 51-të, ndërsa miqtë u përgjigjën me Yakubu 12 minuta më vonë.
