Kryeministri Kyriakos Mitsotakis kishte një lajm të madh për pensionistët grekë. Ai tha se në dhjetor do të ketë një ndihmë urgjente për pensionistët me të ardhura të ulëta.
“Në dhjetor ndihma urgjente për pensionistët me të ardhura të ulëta. Ne angazhohemi që në vitin 2027 paga minimale të jetë 950 euro.
Për pagën mesatare duhet të shohim kursin në tërësi, rrjedhën e ekonomisë dhe vlerësoj që në vitin 2027 të jetë mbi 1500 euro. Prioriteti ynë është rritja e pagave.
Ndërsa papunësia bie, pagat rriten. Papunësia tani është në nivele njëshifrore të ngjashme me vitin 2008”.
Në të njëjtën kohë, Mitsotakis tha se në buxhetin e ri do të ketë 12 ulje taksash shtesë, ndërsa ndërhyrjet e qeverisë fokusohen tek shtresa e mesme.
TVSH-ja është e fundit në listën e ndërhyrjeve, ndërsa ritheksoi se evazioni fiskal duhet luftuar.
