Kryeministri Edi Rama në një intervistë për median italiane “Il Giornale”, ku ka folur për marrëveshjen e emigrantëve me Italinë, BE-në si dhe situatën gjeopolitike në botë.
I pyetur për ngërçin e krijuar për marrëveshjen në Itali, Rama thotë se Shqipëria nuk ka asnjë përgjegjësi. “Jo, sepse ne nuk kemi asnjë përgjegjësi në ekzekutimin e marrëveshjes, përveç asaj të dhënies së disponueshmërisë totale nëpërmjet koncesionit të juridiksionit italian në territorin e dy qendrave”, thotë Rama.
Ai komenton edhe homologen e tij, Giorgia Meloni duke thënë se “befasoi shumë në Evropë”. “Ata që prisnin të shihnin tek ajo rishtarin me këmishë të zezë që marshon në Romë ose thyen xhamat e ndërtesave të fuqive ndërkombëtare, kanë zbuluar një lider që lufton për ta bërë Italinë më të rëndësishme në Evropë, jo Evropën më pak të rëndësishme në Itali”, shtoi Rama.
