Anija “Moliva” pritet të ankorohet nesër në Portin e Durrësit, ku do të shkarkohen 102 kontejnerë me mbetje të dyshuara toksike.
Ngarkesa do të transportohet më pas në një zonë të sigurt në Porto Romano, për mbikëqyrje dhe analiza. Vendimi ka ardhur pas një mbledhjeje me autoritetet portuale dhe policinë. Mbetjet, që ishin refuzuar nga autoritetet tajlandeze, mbërritën në Durrës më 28 tetor dhe janë në radën e portit prej 10 ditësh.
Pas mbikëqyrjes, do të merren kampionët për t’u dërguar në laboratorë për analiza të mëtejshme.
