Deputeti demokrat Dashnor Sula ishte i ashpër me shumicën socialiste pasi gjykata administrative rrëzoi vendimin e Kuvendit që i dënoi opozitarët nga 10 ditë deri në 2 muaj.
“Vendimi i gjykatës i ka hedhur poshtë masat ndaj deputetëve, na keni dënuar pa ligj dhe pa rregullore. Na dënonit more 5 ditë apo 10 ditë, por na dënuat pa ligj, zonja Bushka me të tjerët që morën urdhra. Unë kam këtu nga 2005, ju cfarë nuk keni bërë, vuvuzela, bilbila, etj dhe nuk jeni dënuar më shumë se 10 ditë.
Por turp të keni që firmosni këtu për kolegët. Bëhuni more njerëz. Ju vendimin e Kushtetuese për Olta Xhackën e përdorët për letër higjenike, e hodhët në kosh. Ju i shkatërruat jetën dhe familjen politikanit Ervin Salianji që të mos kandidojë deri në 2034” tha ai.
