Kryeministri Edi Rama, nga Budapesti, ka shprehur kënaqësinë për mundësinë që Shqipëria të presë takimin e radhës të Komunitetit Politik Europian (KPE), duke e cilësuar këtë si një “privilegj të madh”.
Ai theksoi se bashkëbisedimi me Bashkimin Europian që po zhvillohet sot ishte një arritje e jashtëzakonshme, duke e krahasuar këtë moment me periudhën kur një dialog i tillë me BE-në ishte i paimagjinueshëm. Rama lavdëroi presidencën hungareze për përparimet që janë arritur në këtë proces dhe e konsideroi inkurajues planin e rritjes dhe integrimit të BE-së.
Ai u shpreh optimist se Shqipëria do të jetë gati të bëhet anëtare e Bashkimit Europian brenda kësaj dekade, duke theksuar se për këtë qëllim do të luftohet çdo ditë.
