Kreu i Partisë Demokristiane të Gjermanisë (CDU), Friedrich Merz, ka propozuar që kancelari Olaf Scholz të kërkojë votëbesim në Bundestag më 13 nëntor, në mënyrë që të mund të hapen rrugët për zgjedhje të parakohshme, para se Donald Trump të marrë detyrën si president i SHBA-së.
Merz sugjeroi që zgjedhjet e mundshme të zhvilloheshin më 19 janar, një ditë para se administrata Trump të betohej, duke theksuar se koha është e mjaftueshme për përgatitjet e nevojshme.
Pavarësisht propozimit të Merz, qeveria gjermane e hodhi poshtë këtë mundësi. Zëvendëskryeministrja Christiane Hoffmann konfirmoi se kancelari Scholz nuk do të kërkojë një votëbesim, duke shtuar se kjo çështje nuk është e nevojshme në këtë moment.
Scholz do të mbajë një fjalim të planifikuar më 13 nëntor para parlamentit, por nuk pritet të diskutojë çështjen e votëbesimit.
