Gjykata Kundër Krimit të Organizuar dhe Korrupsionit ka vendosur masën e sigurisë “arrest me burg” për Leonard Luzin, 47-vjeçarin i njohur me nofkat “Daku” dhe “Nard Çami”. Luzi, i cili përdorte edhe mbiemrat Zejno dhe Sejno, u ekstradua një ditë më parë nga Spanja, ku ishte arrestuar në kuadër të operacionit “Rekrutuesi”, një bashkëpunim mes autoriteteve të dy shteteve.
Ai ishte shpallur në kërkim nga SPAK dhe dyshohet si organizatori i atentatit të mbetur në tentativë ndaj Inez Hajrullas, i njohur si “Sakati”, dhe Ervis Matodashajt, i njohur si “Qorri”. Ngjarja e atentatit të mbetur në tentativë ndodhi në gushtin e vitit të kaluar.
