Avokatja e Popullit Erinda Ballanca ka kërkuar në komisionin e Ligjeve një shtesë financiare për një komisioner të ri, i cili do të ketë detyrim të mbikëqyrë respektimin e të drejtave të njeriut brenda kampit të Gjadrit.
“Ne kemi bërë disa takime me homologët italianë, për të pasur një veprimtari të përbashkët dhe për të koordinuar punën për mbrojtjen dhe garantimin e të drejtave themelore.
Kemi marrë kontakt dhe jemi duke qartësuar pozicionin tonë. Fakti që ne mendojmë të shkojmë me ekipe të përbashkëta, secili do të ketë mundësi të paraqesë gjetjet e veta sa i takon të drejtave të njeriut” tha ajo.
