Për ditën e sotme, vendi ynë do të ndikohet nga kushte atmosferike relativisht të paqëndrueshme, të cilat do të vijnë si pasojë e masave ajrore të lagështa nga veriu. Moti parashikohet me vranësira mesatare deri të dendura, ndërsa do të ketë alternime të herëpashershme kthjellimesh.
Në orët e mëngjesit, në zonën e jugut, do të ketë reshje shiu me intensitet të ulët, ndërsa gjatë pasdites dhe mbrëmjes reshjet do të përfshijnë një pjesë të madhe të territorit, me mundësi për shtrëngata dhe intensitet deri mesatar në disa zona.
Era do të fryjë me drejtim verilindje – veriperëndim dhe shpejtësi mesatare 1-6 m/s, ndërsa përgjatë vijës bregdetare dhe në disa lugina, do të forcohet, duke arritur shpejtësi deri në 8-12 m/s.
Temperaturat parashikohen të jenë:
Në zonat malore: 2°C deri 10°C
Në zonat e ulëta: 3°C deri 20°C
Në zonat bregdetare: 8°C deri 20°C
