Ish-deputeti i PD-së, Ervin Salianji, zhvilloi një takim me demokratët në Kukës, ku ndau mendimet e tij mbi situatën aktuale të Partisë Demokratike dhe sfidat që ajo po kalon pas humbjes në zgjedhje.
Në këtë takim, Salianji theksoi se ka pasur arsye për të qenë i mërzitur, si dhe u shpreh për nevojën e një ndryshimi brenda partisë për të rikthyer besimin dhe forcën politike.
“Secili prej nesh ka pasur arsye për të qenë i mërzitur. Arsyeja kryesore është humbja e PD në zgjedhje, nuk kemi ofenduar askënd. Kemi folur të vërteta. Edhe ata më të afërmit me drejtuesit e PD flasin si ne,” tha Salianji, duke shtuar se ky ndryshim është i domosdoshëm për të shpëtuar partinë nga një rënie të mëtejshme.
